#hemeroteka #soziologia | Herria taberna itxiko dute igandean

Irudia: Irutxuloko Hitza / Herria taberna Donostian

 

Herria taberna itxiko dute igandean.
Irutxuloko Hitza, 2017-11-03
http://irutxulo.hitza.eus/2017/11/03/herria-taberna-itxiko-dute-igandean/

Facebooken Herria kultur elkarteak jakinarazi duenez, taberna itxiko dute behin betiko azaroaren 5ean. 34 urtez egon da zabalik Parte Zaharreko Herria taberna: “Auzoan benetako erreferente bihurtu eta gero, Herria Kultur Elkarteak Herria Taberna ixteko erabakia hartu du”.

Azaldu dute ixteko arrazoi nagusia azken urteotan tabernak bizi duen egoera ekonomiko txarra izan dela: “Onartu behar dugu aspaldian Ikatz kalean gero eta jende gutxiago dabilela. Horri Herria taberna ixteko agindua emana dagoela gehitu behar diogu, eta, azkenik, negozioaren kudeaketan izan ditugun arazoak leudeke”. Horrek guztiak aurrera egitea “ezinezkoa” bihurtu duela gaineratu dute.