#hemeroteka #homofobia | Homofobiari aurre egiteko gakoak aztergai

Irudia: LAB

Homofobiari aurre egiteko gakoak aztergai
LAB, 2015-06-11
http://www.lab.eus/es/zure-eskubideak/4435-homofobiari-aurre-egiteko-gakoak-aztergai-

2014an eta 2015ean LABek argitaratutako homofobiaren aurkako gida eta protokoloek hasitako bideari segida emanez LAB sindikatuak eta Ipar Hegoa Fundazioak homofobiaren aurrean lantokietan nola jokatu behar den aztertzeko eta sakontzeko hitzaldiak antolatu ditu gaur eta bihar. Gaurkoa sindikatuaren Bilboko egoitzan burutu da eta bihar Iruñeko egoitzan izango da. Hitzaldian Egoitz Arbiol eta Ibai Fresnedo izan dira gizartean homofobiak dituen eraginak eta hauei aurre egiteko hartu beharreko neurri eta erabakiak aztertzen.

Hitzaldia ezezik, parte hartzaileek taldeka lan egiteko aukera izan dute, bakoitzak euren alorretan bizitako esperientziak partekatuz eta sortzen diren kezkak plazaratuz.

Lan saion argi geratu da homofobiaren kontra eta aniztasun sexuala errespetatua izan dadin, bai lan munduan zein gizartean orokorrean, lan asko dagoela egiteko eta denon inplikazioa ezinbestekoa dela. Mezua argia da, askatasun sexuala eskubidea da eta ezinbestekoa da askatasun sexualaren alde denok martxan jartzea.