#hemeroteka #alardeak | Alardetik ez ezik, herriko jaietako karteletik kanpo utzi dute Jaizkibel konpainia

Irudia: Naiz

Alardetik ez ezik, herriko jaietako karteletik kanpo utzi dute Jaizkibel konpainia.
Berriola, Naiz, 2017-08-16
http://www.naiz.eus/eu/blogs/berriola/posts/alardetik-ez-ezik-herriko-jaietako-karteletik-kanpo-utzi-dute-jaizkibel-konpainia

Irailaren 8an hondarribiarrek euren egun handia ospatuko dute eta gauzak aldatu ezean beste behin ere Jaizkibilek, Hondarribiko alardeko konpainia parekide bakarrak, aparte zeharkatu ditu herriko kaleak.

Hondarribiko Udalak egunotan aukeratu du herriko jaiak iragartzen dituen kartela. ‘Konpainiak’ du izena eta 20 txapela ageri dira bertan, 19 gorri eta bakarra beltza; emakumeak soilik kantinera paperean onartzen dituzten konpainiak ordezkatuz. Alardean bezala, Udalak sustatutako karteletik kanpo ere utzi dute Jaizkibel konpainia.

Bi hamarkada igaro dira dagoeneko herriko jai nagusian emakumeen parte hartzea bermatu nahian ekinean hasi zirela. Hastapeneko garai gogorrenekin alderatuz gero, egoera hobetu da eta Jaizkibel konpainiako kideek jasaten duen jazarpena ez da sasoi batekoa. Alta, Udalak sustatuko kartela moduko «detailetxoak» giroa gaiztotzen dutela salatu dute Jaizkibel konpainia ingurutik.

Sare sozialetan ere zeresana eman du Hondarribiko Udaleko Kultura Sailak antolatu duen lehiaketan garaile ateratako kartelak.

ETA GAINERA…
Jaiak iragartzeko kartelean konpainia bat falta da.
Udalak antolatutako lehiaketa batean aukeratu dute irudia; Jaizkibel konpainiak gaur arratsaldean aztertuko du gaia, bilera batean.
Arantxa Iraola | Berria, 2017-08-16
http://www.berria.eus/albisteak/141078/jaiak_iragartzeko_kartelean_konpainia_bat_falta_da.htm
 

#hemeroteka #berdintasuna | Hondarribia Berdintasunaren Hiria saria, Tolosara

Irudia: Tolosaldeko Ataria / Udaberri Dantza Taldea

Hondarribia Berdintasunaren Hiria saria, Tolosara
Udaberri Dantza Taldeak jasoko du irailean aipamenetako bat bordon dantzan emakumeak parte hartzeagatik
M.S.S. | Noticias de Gipuzkoa, 2015-07-22
http://www.noticiasdegipuzkoa.com/2015/07/22/vecinos/tolosaldea/hondarribia-berdintasunaren-hiria-saria-tolosara

Berri pozgarria jaso du Udaberri Dantza Taldeak. Hondarribiko Jaizkibel Konpainiak, Hondarribia Berdintasunaren Hiria sariketako aipamenetako bat emango dio Tolosako taldeari.

Udaberrirekin batera, Kresala elkartea eta Irrintzi dantza taldea ere sarituko dituzte, eta irailaren 4an izango da banaketa ekitaldia. Besteak beste, tradiziozko ekitaldietan emakumeen parte hartzea ahalbidetu dute elkarteak nabarmendu nahi izan dituzte, ika-mika handiegirik gabe aurrera egin dutenak.

Tolosarren kasuan, duela bi urte, 2013 urtean, lehen aldiz emakumeek parte hartu zuten San Joan eguneko bordon dantzan. Eztabaidarik gabe eta naturaltasun osoz gertatu zen eta horregatik saritu nahi izan dute Tolosako Udaberri Dantza Taldea.

Epaimahaikideak Aurten Berdintasun Hiria sariketako epaimahaikideak honakoak izan dira: Garbiñe Biurrun epailea, Maialen Lujanbio bertsolaria, Nieves Alza Txingudi saskibaloi elkartearen presidente ohia eta Hondarribiko urrezko domina jasotakoa, Paul Rios bakearen eta giza eskubideen aldeko aktibista, eta Xabier Lapitz kazetaria.

DOKUMENTAZIOA
'Hondarribia Berdintasunaren Hiria' saria jasoko du Udaberri dantza taldeak
Jaizkibel konpainiak lehenengoz antolatu du sariketa; Kresala eta Irrintzi dantza taldeak ere saritu dituzte.
Tolosaldeko Ataria, 2015-07-20
http://ataria.info/tolosa/1437385383249
>
ETA GAINERA…
Historiako lehen emakume bordon-dantzariak Tolosako San Juanetan
Kike Amonarriz | Argia, 2013-06-24
http://www.argia.eus/blogak/kike-amonarriz/2013/06/24/historiako-lehen-emakume-bordon-dantzariak-tolosako-san-juanetan/